Suhiltzaileek lantegi bateko behargina erreskatatu dute iluntze honetan. Erreskatea Zaldibarren egin dute, metal-injekzioa lantzen duen enpresa batean. 19:30ak pasatxotan sute bat isiotu da han eta langile bat igogailu barruan geratu da irten ezinik, 0 eta 1 solairuen artean. Iurretako suhiltzaileek jakinarazi dutenez, behargina igogailutik atera ahal izateko kabinako sabaia ebaki behar izan dute. Operazio hori egitera Iurretako, Eibarko eta Markina-Xemeingo suhiltzaile taldeak eta Gipuzkoako beste talde bat bertaratu dira.