Zaldibarren zaldi martxa egingo dute zapatuan, lehenengoz, eta antolatzaileek egun osoko egitaraua prestatu dute. 09:00etan harrera egingo zaie zaldiei, eta, horren ostean, martxa egingo dute; 13:30 inguruan amaitzea aurreikusten dute antolatzaileek, eta ibilbidean hamaiketakorako tartea ere hartuko dute. Herrian poneyak egongo dira txikienen gozamenerako (12:00-14:00). Martxako partaideek bazkaria egingo dute, 15:00etan. Jarduera guztiak Olazarren egingo dituzte.
Arratsaldean, eguneko ekitaldirik garrantzitsuenetariko bat izango dute. 16:30etik 19:00era bitartean, ranch trail erakustaldia egongo da. Ikuskizun hauetan, zaldizkoek eta zaldiek ibilbide bat bete behar dute, zenbait oztopo gaindituta. Gero, sari banaketa egingo dute.
Egunean zehar, zeramikarien eta ferratzaileen erakusketa ere egongo da ikusgai. Zaldibarren halako martxa bat antolatzen duten lehenengo aldia da aurtengoa.