19:00etan hasiko dira jaiak, Donien Atxa jasota. 20:30ean sardina jana edukiko dute, eta, ostean, VI. rock jaialdia hasiko da. Hatxe, Koltan eta Txapito Guzman eta Ibarrako langostinuek taldeek parte hartuko dute jaialdian; Txapitoren kasuan, agur biran murgilduta daude. Zapatuan, ohiko bakailao, paella, mus eta briska txapelketak egingo dituzte, trikitilariek inguruak girotzen dituzten bitartean; Barre konpainiak antzezlan bat plazaratuko du gero. Gauean, Jotatxo DJk musika ipiniko du dantzalekuan. Domekan, omenaldia egingo diete auzoko nagusiei, eta Bizkaiko bolo-joko txapelketa ere egongo da. Arratsaldean, asto probak egingo dituzte. 21:30ean, argazki proiekzioa egingo dute.
Uztailaren 18an, astelehena, 13:00etako mezagaz emango diete amaiera Santa Marine jaiei.