Hogeita bost eguneko bira antolatu dute Europan, ekain eta uztailerako; Alemania, Austria, Frantzia, Herrialde Katalanak, Espainia, Erresuma Batua, Danimarka, Hungaria, Txekiako Errepublika, eta Herbehereak zapalduko dituzte, besteak beste, eta tartean Zaldibarko gaztetxea bisitatuko dute. Against all odds diskoa aurkezteko biran murgildurik dago laukotea eta dozenaka kontzertu eman dituzte aurten AEBetan. Etxeko Unfix taldeagaz batera joko du Darek. Unfix Worth It talde berriztarreko kideetariko batzuek osatzen dute, besteak beste, eta hardcore bizkorra da eurena. Norkzer?! talde gipuzkoarrak zabalduko du gaua; Orreaga 778, Dictadura eta Brutal Calling taldeetako kideek osatzen dute boskote hau. 20:30ean hasiko dira kontzertuak eta sarrera sei euroan erosi ahalko da, momentuan bertan.