Urtero lez, Zaldibarko Olazarmendi klubeko gimnastek gimnasia erakustaldi batekin esango diote agur denboraldiari. Ekainaren 19ko domeka goizean izango da, Zaldibarko Olazar pilotalekuan.
Aurtengoa denboraldi emankorra izan da klubarentzat. Malen Dueñas Euskadiko txapeldun geratu da kadete mailan eta Ane Fernandez txapeldunorde seniorretan.
Haur-kategoriako Ane Anton eskolarteko Euskadiko txapeldun geratu da eta kimu mailako Goizane Romanek brontzezko domina jantzi du.