Zaldibarren esku pilota txapelketa herrikoiaren hirugarren aldia antolatu dute 32 parte hartzailerekin. Joan zen asteburuko kanporaketetatik 16 pilotari sailkatu ziren. Final laurdenak, finalerdiak eta finala ostiralean, 19:00etan, jokatuko dituzte Zaldibarko pilotalekuan.
Partidu dezente dira arratsalde baterako, baina laburrak izango dira. Izan ere, txapelketa honetako berezitasun bat da zortzi minutura arteko partiduak jokatzen direla. Beste berezitasun bat honako hau da: sakea galtzen doanak ateratzen du.