Amaia Mendibe Mazorriagak eta Maddi Sanz Baigorrik hartu zuten berba, eta "auzolanean" egitaraua prestatzen ari direla azaldu zuten. "Zer dira herriko jaiak elkarte herritarron artean sortutako egitarau lana eta gozamena ez bada?". Herrixen jaixek Zaldibarko Jendeak, Zaldibarko dantza taldea, Dominika, Ernai, Guraso elkartea, gaztetxea, Castet eta Ilargi argazki taldeak osatzen dute, baita "jai herrikoien alde lan egiten duen edozeinek ere".
Ernairi zentsura
Egitasmoaren aurkezpenean Zaldibarko Udalak Ernai antolakundea zentsuratzea "gertakari larria" dela salatu zuten, baita ere. "Udako kultur egitarautik zentsuratu zuten, eta aurten ere zentsuratuko dutela argi utzi dute".