Martxoaren 13rako, beste ekimen bat aurreikusi dute. Herriko emakumeei Santamañezarrera joateko dei egin diete. 10:00etan ipini dute hitzordua, udaletxeko plazan. 11:30ean argazkia aterako dute tontorrean.
Egitarau zabala
Berbaldi bi ere antolatu dituzte datozen egunetarako. Martxoaren 3an izango da bat: Sexualitatearen aldaketak adinarekin, mitoak eta errealitateak. 18:00etan izango da, liburutegi zaharrean. Beste berbaldia martxoaren 10ean izango da: Norbere zaintza emozional feminista. Hau ere liburutegi zaharrean izango da, 18:00etan. Martxoaren 3ko eta 10eko ekintzetarako, adinbakoentzako zaintza zerbitzua egongo da. Aldez aurretik eskatu behar da. Izena emateko, berdintasuna@zaldibar.eus helbidea eta 946827016 telefono zenbakia ipini dituzte.
Aldarrikapen eguna izateaz gainera, Martxoaren 8a ospakizun eguna ere izaten da. Horregaitik, emakumeen afaria eta dantzaldia ere antolatu dituzte Zaldibarren. Martxoaren 5ean izango dira, 21:00etan, Olazarren.