Abadiñoko hiru ikastetxeetako zuzendaritza talde, guraso elkarte, langile eta udal ordezkarien lankidetzarako gune bat sortzea proposatu zuen EH Bilduk iraileko osoko bilkuran. "Hezkuntza herri ikuspegitik lantzea beharrezko ikusten dugu, eta, horretarako, hiru ikastetxeetako zein hezkun- tza ez formaleko eragileen artean sinergiak bilatu behar dira".
EAJ eta AI taldeetako zinegotziek ezezko botoa eman zuten. Mikel Garaizabal alkatearen berbetan, "nahikoa da" Eskola Kontseiluekin , eta ez da beharrezkoa gune berri bat sortzea. Javier Crespo alkateordearen esanetan, Euskara Kontseilua da "foro egokia" horretarako, bertan lantzen direlako hezkuntzari loturiko gaiak.