Zaldibarko merkataritzan euskararen erabilera sustatzeko gida kaleratu dute

'Lan eta erosi euskaraz!' gida prestatu du Zaldibarko euskara sailak, herriko merkataritzan eta ostalaritzan euskararen erabilera bultzatzeko helburuarekin. Zaldibarko denda eta tabernetan banatuko da. 

Zaldibarko Udalaren webgunean eta Euskara Zerbitzuaren eta udalaren sare sozialetan ere egongo da eskuragarri gida. 

Zaldibarko Udalak eskaintzen dituen zerbitzuez gainera, Durangaldeko Mankomunitateak euskarazko errotuluak edo webguneak jartzeko eskaintzen dituen diru-laguntzei buruzko informazioa, udalaren aholkularitza eta itzulpen zerbitzuei buruzko informazioa edota Lansarea eta Beharsarea atarien bidez langile euskaldunak bilatzeko laguntzari buruzko informazioa eskaintzen da gidan, besteak beste. 

Durangaldeko albiste garrantzitsuak edo azken ordukoak whatsapp bitartez jaso gura dituzu? Bidali ALTA 688 635 041 telefono zenbakira.