Protestarako deia egin dute Zaldibarren, desagertutako langileen erreskatea, osasuna eta erantzunkizunak aldarrikatzeko

Hainbat herritarrek, "Zaldibar argitu!" lelopean, manifestazio zaratatsua egingo dute gaur 19:30etan, udaletxe plazan. Hiru eskari nagusi egingo dituzte. Bat: hondakindegiko lur-jausian desagertutako langileen erreskate lanei lehentasuna ematea. Bi: osasuna eta ingurumena erdigunean ipintzea, eta, hiru: "arduradun politikoen kudeaketa" salatuko dute "erantzunkizunak" eskatzeko.