Hondakindegiko lurren ezegonkortasuna dela eta, erreskate lanak bertan behera utzi behar izan dituzte gaurkoz

Erreskate taldean ari direnen “segurtasun arrazoiengatik” hartu dute erabakia 13:00etan, hondakindegia ikuskatzen ari den geologo talde batek hala aholkatuta. “Euriak edo beste zenbait faktorek” mendi magalaren egonkortasuna kolokan jarri dezaketela diote larrialdi zerbitzuko iturriek, eta, ondorioz, beste lur-jausi bat gertatzeko arriskua areagotzen dela. Geologo taldea bihar goizean hurbilduko da berriro hondakindegira, erreskate lanekin jarraitzerik ba ote dagoen baloratzeko.