Eitzarango Oletxe baserrietan bizi diren bizilagunek bazuten Verter Recycling enpresaren jardunen berri: "Begenekien zaborrak eta hondarrak bertara botatzen zirela", azaldu du Abarrategik. Amiantoaren inguruan ez dute berririk izan, ordea, orain arte.
Udaletxeak gomendioa egin die etxean ez egoteko. Sanzek uste du "arriskurik ez hartzeko kontuagatik" dela: "Euria eginez gero, gehiago erortzeko arriskua dago, eta gero arrakaletatik eta filtratu daiteke". Hala ere, Abarrategik ez du uste bizilagunei helarazitako arrisku hori badagoenik, bere ustez "distantzia handia dago" eta autobidea erdian egoteak murriztu egiten du luizia gainera etortzeko aukera.
Sanzek esan du oraindik ez diela eperik eman. Hala ere, ostegunean ertzainak zeuden etxeetarako sarbidea galarazten; orain, berriz, eta atarian zinta bat jarrita dagoen arren, ez dago inor sartzea debekatzen duenik.