Onartezintzat jo dute “langileen eta inguruko herritarren osasuna eta bizia arriskuan” ipini izana. Gertatutakoaren “ikerketa sakona” egitea eskatu du LABek, egon litezkeen erantzunkizun politikoak aztertu, erantzunkizunak argitu, eta arduradunak seinalatzeko.
“Lan harremanen eredua” aldatzeko premiaz ohartarazi du LABek, “osasun eta bizitza erdigunean” ipini eta “interes ekonomiko eta politikoen gainetik” kokatzeko.
Amiantoa hondakinetan
Zaldibarko Udalak dioenaren arabera, Eusko Jaurlaritzak 2011n eman zion hondakindegiari Ingurumen Baimen Bateratua. Amiantoa kudeatzeko baimena bazuela dio.
Atzo arratsaldetik gaur goizeko lehen ordura arte hainbat langile aritu dira errepidetik lurra kentzen eta erreskateetan laguntzen. Josu Zubiaga Ingurumen sailburuordeak goizeko lehen orduan baieztatu du hondakin inerteen artean amiantoa dagoela.