Proposamenek "udalaren jardunaldiagaz" eduki behar dute zerikusia, Jose Luis Maiztegi alkatearen esanetan: "Proposamenak udalaren eskumenekoak izan behar dira, interes orokorrekoak izateaz gainera. Bestalde, teknikoki eta ekonomikoki egingarria izan behar du. Ez dira onartuko partidaren laurdena baino gehiago kostatuko duten proposamenak". Abenduaren 16an batzar zabala egingo da, aurkeztutako proposamenak bozkatu eta horietariko hamar aukeratzeko. EH Bilduk ekimenaren berririk jaso ez izana salatu zuen urriko bilkuran. "Errespetu falta iruditzen zaigu gu kontuan ez hartzea", salatu zuen Eneritz Azpitarte zinegotziak.
EH Bilduren "parte hartze zuzenaren" alde
Bestalde, alderdi subiranistak ohar baten bidez adierazi du aurrekontu parte hartzaile hauek egiteko ereduak "parte hartzeko aukera murrizten" duela. "Proposamenak idatziz egiteak aukerak murrizten dituelako, udalak herritarrek proposatu ahal dituzten neurriak mugatzen dituelako, eta herritarrekin egin beharreko batzar kopurua murrizten dutelako"