Sebastian Lizasok eta Maddalen Arzallusek Zaldibarren egingo dute bertsotan

Aritz Maldonado 2019ko ira. 17a, 13:40

Irailaren 20an bertso afaria egingo dute Zaldibarko Goierri auzoko auzo etxean, eta Sebastian Lizasok eta Maddalen Arzallusek egingo dute bertsotan bertan.

21:00etan da afaria. Euskara Zerbitzuak antolatu du, eta sarrerak Negugogorren, Casteten, Paularen Zokoan eta Sorgin tabernan daude salgai, 20 euroan; ikasle eta langabeek 10 euroan erosi dezakete. Kasu honetan, baina, interesdunek udal bulegoetara jo beharko dute txartela eskuratzera. Irailaren 18a izango da sarrerak erosteko azkenengo eguna.

Bestalde, euskarazko eskoletarako eta Berbalagunetarako matrikulazio epea zabalik dago. Irailaren 20ra arteko epea dago izena emateko.

ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!