Bertan 200 parte-hartzaile inguru batuko direla azaldu dute. Ikasturtean zehar herrietako gimnasia taldeetan ibiltzen diren pertsonez gainera, eskualdeko egoitzetan bizi direnek ere parte hartuko dute. Guztiak 55 urtetik gorakoak dira; 80 urtetik gorakoak 11 eta 90 urtetik gorakoak 8. Batek 102 urte ditu.
Ariketa fisikoaren garrantziaz berba egin dute oharrean. “Era jarraituan eta kontrolatuan egindako ariketa fisikoak bat-bateko zahartzaroa saihesten du, zahartzaro fisiologikoa atzeratzen du eta gaixotasun batzuen agerpena ekiditen du, jateko gogoa eta loa hobetzen dituelako”, nabarmendu dute zerbitzuko kideek.