Zaldibarko Olazarmendi klubeko kimuek brontzezko domina lortu zuten Euskadiko eskolarteko kirol jokoetako kimuen A mailan Ane Anton, Olaia Onandia, Ainhize Basterretxea, Ainhoa Terroba eta June Cerros-ek egindako lanari esker. Buruz buruko saioetan ere parte hartu zuten gimnasta batzuek: Eider Agirrek haur-kategorian eta Beatriz Dos Santos-ek kimuetan.
“Oso pozik gaude emaitzekin, baina batez ere urte osoan egindako lana azpimarratu nahi dugu”, azaldu dute Itsaso Zubia eta Laura Carrillo entrenatzaileek ohar batean.
Ekainaren 16an kurtso bukaerako gimnasia erakustaldia antolatuko dute Zaldibarren eta horrekin amaituko dute denboraldia.