2018ko urtarrilean Zaldibarko Mecanizados Mecar enpresako LABeko ordezkari batek eraso sexista salatu zuen. LAB sindikatuaren arabera, langileari emakumea izateagatik eta bere lan sindikala egiteagatik egin zioten eraso. Urtebete beranduago Durangoko epaitegiak bere erabakia kaleratu du. LABek dioenez, atzo publiko egin zen sententziaren arabera "falta arinengatik" multa bat ezarri diote akusatuari.
Julen Urrutibeaskoa Durangoko LABeko industria arloko arduradunak enpresaren jarrera gaitzetsi du beste behin ere. "Enpresak erasoaren berri izan arren ez du ezer egin. Erasotzaileen kaleratze zuzena exijitu du LABek. "30 laguneko enpresa txiki batean erasotzailea eta biktima ezin dira leku berean egon", dio Urrutibeaskoak.