Euskal Herria kalearen inguruetan ezarriko dira 25 postuak. Gazta, txakoli ezti eta ogi ekoizleak egongo dira, besteak beste. Beste urte batez, Jose Antonio Elustondok sagardoa nola egin erakutsiko du, baita ere.
Bestalde, azaroaren 29an hasiko dira San Andres jaiak. Zaldibarko Euskaraldiko kideek irakurriko dute pregoia.
Trikitilari gazteen txapelketa
XVII. biderrez, Euskal Herriko trikitilari gazteen txapelketa Zaldibarren jokatuko da. Aurten, sei bikotek lehiatuko dute beraien artean. Nobedade bezala, irabazleek oroigarri berri bat eramango dute. "Orain arteko garaikurrean bi gizon ageri ziren. Azken urteetan emakumezkoak izan dira parte hartzaile gehienak, eta errealitate hori islatu gura genuen sarian" azaldu du Delfin Zubizarreta zinegotziak.