Batzarreko gai ordenean puntu bakarra dago: Zaldua Mendi Taldeko zuzendaritzaren eraberritzea edo dimisioa. Gaur egun, lau lagunek osatzen dute bertako zuzendaritza. Urte dezente daramatzate eta zapatuan utzi egingo dute. Beraz, mendi taldeak erreleboa behar du desagertu ez dadin. Aginte makila eramango duen lagun talde bat agertzen bada, orain arte zuzendaritzan egon direnetako batzuk laguntzeko prest egongo lirateke, mendi taldeko arduradunek jakinarazi dutenez.
Zapatuko batzarra liburutegi zaharrean egingo dute. 10:30ean da lehenengo deialdia eta 11:00etan bigarrena.