Goi tentsioko linearen proiektua oraindik behin betiko onartuta ez dagoen arren, Red Electrica Españolak izapide administratiboekin aurrera egin duela eta "edozein momentutan aldizkari ofizialean iragarri eta behin betiko onartu" dezakeela ohartarazi du Zaldibarko Udalak. Horregatik, batzar informatiboa deitu du hilaren 20rako, 19:00etan, Liburutegi zaharrean.
Linea pasatzen den eremuan lurjabe direnek zein bestelako interesdunek Dani Maeztu abokatuaren eta Sergio Gallego ingurumen teknikariaren azalpenak entzun ahalko dituzte, eta udalaren kontrako iritzia ere bai.
Udalak azaldu du obra horren kontrako jarrera erakutsi izan duela, 2011n alegazioak eginez, eta orain baita ere.