Orain arte errepideak hartzen zuen eremua espaloiagaz batuko dute, eta pasabide berriak ipiniko dituzte. Udal gobernuak azaldu duenez, 44.723 euroko aurrekontua dauka obrak, eta 13.522 euroko diru-laguntza jaso du udalak.
Obra horren ondorioz, Garitaherri eta Autonomia kaleak norabide bakarrekoak izango dira aurrerantzean, eta hainbat aparkaleku berri atonduko dituzte inguru horretan.
Udalak behin-behinean onartu duen Hiri Antolamendurako Plan Orokor berriak zehazten duen peatonalizaziorako joeraren adibidea da Santa Isabel kalea oinezkoentzat egokitzea. Eskolarako bidearen segurtasuna handitzea eta herria atseginagoa bilakatzea dira proiektuaren helburuak.