"Agiria zehatz-mehatz aztertu ondoren, behin behineko agiriak ez die udalerriak dituen beharrei benetan erantzuten, eta, batez ere, ez dio amaierarik jartzen udalerrian dagoen trafiko arazoari", dio jeltzaleek komunikabideetara bidalitako idatziak. "Argi geratu da EH Bilduk aurreikuspen eta etorkizunerako ikuskera falta duela Zaldibarko etorkizunari heltzeko orduan, eta hori agerian geratu da HAPO agiria idazterako orduan ideiarik ez duelako erakutsi".
Ezezko bozka eman aurretik, "norbanakoekin, industria sektorearekin zerikusia duten pertsonekin eta gai honetan adituak diren teknikariekin hainbat bilera" egin dituztela ere azpimarratu du EAJk prentsa ohar horretan.
