Udalak aho batez aldarrikatu ditu LGTBI+ kolektiboaren eskubideak. Kolektibo horren memoria historikoa berreskuratzeko lan egiteko konpromezua hartu du, batetik, Zaldibarko Udalak. Bestalde, Eusko Jaurlaritzari transexualen legea berrikustea eskatzea ere adostu dute.
Atzo onarturiko mozio horretan adierazten den bezala, Jose Antonio Agirre parkeko eskailerak ortzadarraren kolorez margotu ditu Zaldibarko Udalak. Modu sinboliko horretan adierazi gura izan du udalak LGTBI+ kolektiboaren kontrako edozein diskriminazio borrokatzeko konpromisoa.