Kontzertu solidarioa eskainiko dute Juan Carlos Irizarrek eta Koralak, bihar

Itsaso Esteban 2017ko mai. 19a, 14:30

Esther Hernandezen zuzendaritzapean, Zaldibarko Koralak eta Juan Carlos Irizar pianistak kontzertu solidarioa eskainiko dute, bihar, 20:00etan, Zaldibarko elizan.

Arrasateko Aita Menni eta Monroviako (Liberia, Afrika) Benedict Menni ospitaleek bultzaturiko We Are Like You programa laguntzera bideratuko dute ekimen horregaz biltzen duten dirua. Hain zuzen ere, ebolak Liberian erasandako herritarrei laguntzera eta osasun mentalari loturiko proiektu bat abian jartzera bideratuko dute bihar Zaldibarren bilduko duten dirua.

Bost euroko sarrera izango du kontzertuak, eta merkatu solidarioa ere antolatuko dute.

ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!