Zaldua Mendi Taldeak urtero Zaldibar inguruetatik antolatzen duen mendi martxak 39. aldia egingo du zapatuan. 35 kilometroko ibilbidean zehar Aixola, Karabieta gaina, Topinburu, Azitain (Eibar), Arrate, Ixua eta Mallabia inguruetatik ibiliko dira partaideak, besteak beste. Aurtengo ibilbidea “nahiko gogorra” dela abisatu dute antolatzaileek.
07:00etan irtengo dira Zaldibarko eliza paretik. Aurretik izena eman ez duenak egunean bertan ere egin dezake 06:00etatik 06:45era: bost euro izango da bazkideentzat eta
zortzi euro bazkide ez direnentzat.
Helmuga Zaldibarko udaletxe pareko plazan izango dute, eta gura duenak dutxa bat hartzeko aukera izango du kiroldegian.