Lau t’erdian Salaberria Aranguren baino gehiago izan zen: 22-12. Partidu erdira arte lehia orekatua mantendu zuten. Salaberriak aldea zabaltzen zuenero Arangurenek erreakzionatu egiten zuen: 7-2 / 7-7/ 12-7 / 12-12. Baina une horretatik aurrera partidua erabat aldatu zen eta Salaberria zuzenean joan zen 22ra.
Binaka emozio handiko finalerdia jokatu zuten Urbieta-Martijak eta Arteaga-Erasunek: 22-21. Lan erdietara lau tantoko aldearekin heldu ziren irabazleak (12-8), baina orduan Arteagak eta Erasunek tanto ilara luzea egin zuten: 13-17. Hurrengo tantoetan abantailari eustea lortu zuten: 17-20. Partidua azken txanpan zegoenez, aldea nahikoa izan zitekeela zirudien, baina ez zen horrela izan. Urbietak eta Martijak partiduari buelta ematea lortu zuten Olazarrerako finalera sailkatzeko.
Finalak abenduaren 31n, 16:30ean, jokatuko dituzte Zaldibarko pilotalekuan. Lau t’erdian Zubizarreta eta Salaberria lehiatuko dira. Binakako txapela irabazteko lehian elorriar bat ariko da: Igor Azpiri. Olaizolak eta biek Urbieta eta Martija izango dituzte kontrario.