Jon Agirre, Antonio Villanueva, Jon Iriondo, Delfín Zubizarreta, Rafa Iraeta eta Joseba Arginzoniz Ilargi taldeko argazkilari zaldibartarren erakusketa kolektiboa dago ikusgai, hilabete osoan, Eibarko Corte Inglés merkataritza zentroan. Maiatzaren 2an zabaldu zuten erakusketa, eta 30era arte ikusi ahalko da. Egun osoan, 11:00etatik 21:00etara dago erakusketara gerturatzeko aukera.
Aipaturiko Zaldibarko sei argazkilari horien launa argazki dira erakusketa kolektiboa osatzen dutenak. Lehenago ere lanak elkartu eta erakutsi izan dituzte argazkilariek. Bigarren aldia da taldean osatutako erakusketa bat antolatzen dutena. Zaldibarren bertan antolatu zuten lehenengoa, azaroan.