Gipuzkoara eta Nafarroara joan dira aurten Zaldibarko Olazar pilota txapelketako txapelak. Gabon zaharretan jokatutako final bietatik lau t’erdikoa izan zen onena. Errandonea nafarrak 22-21 menderatu zuen Bakaikoa. Partidu lehiatu batean biek merezi izan zuten irabaztea. Binakako finalean Arrieta eta Gorrotxategi hernaniarrek 22-9 menderatu zituzten Beitia eta Diez. 9-3 zihoazela Beitiak pilotakada latza jaso zuen buruan. Partidua amaitzeko moduan izan zen, baina ezin izan zuen bererik eman. Ondorioz, partidu erditik aurrera erraz nagusitu ziren Arrieta eta Gorrotxategi.