Partiduko tantu politenak berak egin arren, Ibon Salaberriak ezin izan zuen Aurtenetxe lezamarra menderatu. Opari larregi egin zizkion, eta Aurtenetxek ondo baino hobeto aprobetxatu zituen. Hasieratik aldendu zen lezamarra markagailuan, eta behin abantaila hartuta, elorriarrak ez zeun lortu hurreratzea.
Saiatu zen Salaberria, baina presaren ondorioz eta suerte txarra izanda, akatsak egin zituen. Dena dela, ondo jokatzeko gaitasuna daukala erakutsi zuen. Azkenean, 22-11 markagailuan.
Binakakoa
4½ barruko norgehiagoka horren ostean, binakako txapelketako dueloaren txanda izan zen. Elezkano (Zaratamo) eta Ajuriak (Galdakao) Larrañaga eta Loiola gipuzkoarren kontra jokatu zuten, eta 22-15 gailendu ziren azken hauek. Partidu entretenitua eskaini zuten laurek; batez be aurrelariek. Larrañagak bizitasun handia ipini zuen jokoan, eta errematean be fin ibili zen.
Datorren eguenean final zortzirenekin jarraituko du aurrera Olazar torneoak.