Pradera eta Guti omendu zituzten larunbatean

Zaldibarko zaleek eta lagunek Mikel Pradera eta Fran Gutierrez "Guti" omendu zituzten herenegun. 11:30ean udaletxe aurreko plazan batu ziren eta Areitiotik itzuli bat egin eta zizka-mizka batzuk janda, Goierrin batu ziren bazkaritara.

Praderak hamaika urte eman ditu profesionaletan eta iaz utzi zuen txirrindularitza. Euskaltel eta ONCE taldeetan korritu zuen, besteak beste, eta Munduko Txapelketan eta Tour-ean hainbat bider egon da. Gutik Cafés Baquéren eskutik urte bi eman zituen profesionaletan. Aurretik, afizionatu mailan, palmares ederra osatua zuen.