Asteburuan burutu da urtero jokatzen den Zaldibarko Futbito Maratoia, barikuko 19:00etatik domekako 18:00etara iraun duena. Deskantsu barik futbol partiduak izan dira eguneko edozein ordutan.
Austria Kalenji taldeko kideek lortu dute garaipena finalean, Makalister taldeari irabazita. Hirugarren postua Durangokoak taldeak eskuratu du eta laugarrenak Noventela ermuarrak izan dira. Ikusle asko bildu dira Zaldibarko polikiroldegian aurten ere. Urte asko daramatzate Zaldibarko Udalak eta Zaldua kirol elkarteak sariketa antolatzen, eta hamairugarren edizioa izan da oraingoa, Durangaldeko 23 futbito taldek parte hartu dutelarik. Taldeek, 100 euroko inskripzioa ordaindu eta gero, 3 egunean zehar futbito partiduak jokatu dituzte. Ikusleek erakutsitako berotasunak giro paregabea jarri du futbolean ibiltzeko. Irabazleek 1.000 euro eraman dituzte, bigarrenek 600,hirugarrenek 350 eta laugarrenek 250. Beraz, beste urte batzuetakoekin alderatuta, nabarmen igo da sarien zenbatekoa; zehazki, %23.
Sariaz gainera, trofeoa ere eman diete lehenengo lau sailkatuei. Zaldibarko lehen taldeari ere 250 euro eta trofeoa eman dizkiote. Sari gehiago ere eman dituzte: gol gehien egin duen jokalariari, gol gutxien jaso duen atezainari eta jokalari onenari. Epaileak federatuak izan dira Zaldibarko Maratoian.
Austria Kalenji taldeko kideek lortu dute garaipena finalean, Makalister taldeari irabazita. Hirugarren postua Durangokoak taldeak eskuratu du eta laugarrenak Noventela ermuarrak izan dira. Ikusle asko bildu dira Zaldibarko polikiroldegian aurten ere. Urte asko daramatzate Zaldibarko Udalak eta Zaldua kirol elkarteak sariketa antolatzen, eta hamairugarren edizioa izan da oraingoa, Durangaldeko 23 futbito taldek parte hartu dutelarik. Taldeek, 100 euroko inskripzioa ordaindu eta gero, 3 egunean zehar futbito partiduak jokatu dituzte. Ikusleek erakutsitako berotasunak giro paregabea jarri du futbolean ibiltzeko. Irabazleek 1.000 euro eraman dituzte, bigarrenek 600,hirugarrenek 350 eta laugarrenek 250. Beraz, beste urte batzuetakoekin alderatuta, nabarmen igo da sarien zenbatekoa; zehazki, %23.
Sariaz gainera, trofeoa ere eman diete lehenengo lau sailkatuei. Zaldibarko lehen taldeari ere 250 euro eta trofeoa eman dizkiote. Sari gehiago ere eman dituzte: gol gehien egin duen jokalariari, gol gutxien jaso duen atezainari eta jokalari onenari. Epaileak federatuak izan dira Zaldibarko Maratoian.