Peio Koikili Lertxundiren laguna zen, hartu-eman estua zuten. Sarritan joaten zen bere partiduak ikustera, bai herriko Zelaieta zelaira, Koikili Vulcano taldean zebilenean, eta bai San Mamesera, Athletic klubera batu zenean. "Lan handia egin zuen" Lagunartea sortzeko, dio Lertxundik. Haitz taberna lagunarteko egoitza eta Koikiliren partiduak ikusteko bilgune bihurtu zen, horman eskegita zuen Athleticen armarria lekuko.
2018. urtean, Koikili Lagunarteak 10 urte egin zituenean, Peio omendu zuten, urteetan egindako lanaren esker onez. Ordurako, gurpildun aulkian zegoen ELA gaixotasunagatik, eta handik hile gutxira hil zen.
