Barikuan eta domekan koronabirus kasu bana detektatu ziren Otxandion eta horren aurrean egunero egoeraren balorazio bat egingo duen Jarraipen Batzorde bat sortzea erabaki du Otxandioko Udalak, bando batean eta sare sozialetan iragarri duenez.
Horrekin batera, San Juan suak eta horri lotutako kalejira bertan behera uztea erabaki dute. ""Gaur ez dira suak egiteko eta gu guztion osasuna behar bezala bermatzeko baldintzak ematen", arrazoitu dute udaletik.
Herritarrei segurtasun neurriak mantentzeko deia egin diete: maskarak erabiltzea eta bi metroko distantziari eustea. "Egoera serioa da oraindik eta funtsezkoa da segurtasun neurriei eustea", azaldu dute.