Atzo, bost aizkolari batu ziren Aramaion Arabako bigarren mailako txapelaren bila. 54 eta 60 ontzako bina enbor ebaki behar izan zituzten. Luis Polanco otxandiarrak osatu zuen lanik onena 15.03-ko denborarekin. Ia minutu bi eta erdiko aldea atera zion Asier Armentia bigarren sailkatuari: 17.27. Ramiro Llanos (19.00), Anton Iacobuti (19.39) eta Hermenegildo Herrero (21.29) sailkatu ziren euren atzetik.