Baina balentriak inoiz izatekotan, aurten behar du. Konfiantzaz gainezka, Elordi sekulako txapelketa osatzen dabil eta orain arteko partidu guztiak irabazi ditu, Unai Laso eta Joseba Ezkurdia handiak ere mendean hartuta. Iaz ere elkarren kontra jokatu zuten Elordik eta Altunak lau eta erdiko ligaxkan. Orduan, Altunari aurre egiteko dohainak badituela erakutsi zuen Elordik, baina azken txanpan bere aukeretan gehiago sinestea falta izan zitzaion. Aurten, beste mentalitate bategaz, ez zaio gabezia horren arrastorik igarri orain arte.
Elordiren azken 'biktima' Danel Elezkano izan da, ligaxkako azken partiduan. Bietatik batek ere ez zuen ezer jokoan —Elordi matematikoki sailkatuta zegoen eta Elezkeno, ostera, kanporatuta— baina mallabitarrak finala balitz lez hartu zuen norgehiagoka eta 22-8 irabazi zion Zaratamoko pilotariari.
Autobusa partidua ikustera joateko
Mallabiko Udalak autobusa antolatu du lau t'erdiko finala ikustera joateko. 15:30ean irtengo da, Petrileko aparkalekutik.
