Mallabiko Udalak Gerea auzoko ur-jauzien ibilbidea berreskuratu du. 2022ko aurrekontuan jasotako ibilbide osasungarrietako bat da. Izan ere, aurtengo aurrekontuen inbertsio nagusienetakoa ondare kulturala berreskuratzera bideratu dute.
Hala, Udalak hainbat jarduera egin ditu berreskuratzeko, hala nola sastraka kentzea eta markatzea Wikilocera igotzeko eta ibilbidea erregistratuta izateko. Guztira, 6,47 km dira Trabakuatik ur-jauzietara, 684 metroko gehieneko altitudearekin.
Igor Agirre alkateak adierazi duenez, "Mallabiak ondare natural garrantzitsua du eta guztion gozamenerako berreskuratzea da aurtengo aurrekontuaren ardatzetako bat. Horregatik, natura eta paisaia maite duten pertsonak ibilbide hau egitera gonbidatzen ditugu".
Ibilbide hori ibilbide osasungarriak berreskuratzeko proiektuaren parte da, eta horren barruan, laster, plazatik Zengotitarainoko ibilbidea ere berreskuratuko da, ibaiaren ondotik igarotzen dena. Proiektu osoaren aurrekontua 15.000 euro da.
Wikiloc esteka: LOTURA
