Atzo, 17:00etan, 34 urteko gizon durangar bat atxilotu zuen Ertzaintzak bere emaztea jotzea egotzita. Ertzaintzak azaldu duenez, gizonak atxilotuta jarraitzen du epailearen aurretik pasatzeko zain. Emakumea anbulategira eraman zuten erasoaren ondorioz jasan zituen zauriak sendatzera.
Plataforma Feministak joan zen zapatuan Durangoko jaietan gertatutako beste eraso bat salatzeko deitutako elkarretaratzean eman zuen beste indarkeria kasu honen berri. Eraso hau salatzeko, plataformako kideek datorren ostegunerako deialdia egin dute, Andra Mariko elizpean, 20:00etan.
Udalak ere erasoa gaitzetsi du, eta babesa erakutsi dio erasoa sufritu duen emakumeari, eta bere seme alabei. Gainera, udalak dituen baliabide guztiak beraien esku jartzen dituztela jakinarazi dute.
