anboto.org

Euskal zaleak onenak Oizen

Erabiltzailearen aurpegia   Kirolak

Joan zen eguaztena egun ahaztezina izango da askorentzat. Han batu ziren euskal zale guztiak, Espainiako Vueltako txirrindulariak animatzen. Denen izenak zekizkiten eta denei aupada goxo eta eder asko eman zizkieten. Zaleak ez ziren azken igoeran bakarrik batu.

Getxon hasi eta Oiz puntan bukatu arteko kilometro guztietan, jende ugari ikusi zitekeen errepideko alde bietan, gure Bizkaia maitean barrena. Txirrindulariei ez zitzaien oharkabean pasatu berotasun hori. Askok idatzi zuten eskerrak emanez.

Lehenengo ordutik, bizikletan, oinez, kotxez, motorrez, jende ilarak pistan gora. Eta behin bide ondoan, denak txirrindularien zain, batez ere, etxekoei begira: Bizkarra, Castroviejo, Fraile…. eta gogotik animatu zituzten.

Ume guztiak han zeuden euren izarrak ikusten eta kirol maitatu hau arnasten eta bizitzen. Jai giroa, bazkariak, edariak… eta txirrindulariak eurak ere jai giroko parte, batez ere ezer jokoan ez zuten horiek: zaleen aurrean aurreko gurpila goratuz eta akrobaziak eginez, irribarrez agurtzen, oso jator eta esker onez.

Horrelako harrerarekin profesionalen karrerak behin eta berriz etxetik pasatzea espero dugu, luxu bat delako. Txirrindularitza maite dugun denok desiratzen egoten gara.

Aipamen berezia egin gura diot irabazleari, ia ez zuen indarrik puntara heltzeko, baina bere seme aingerutxoa zerutik zegoen indarra emanez, aitak irabazteko. Hunkigarria izan zen, eta, aldi berean, gogorra.

Eskerrik asko zaleei, txirrindulariei eta denei, kirol hau hainbeste maitatzearren eta horrela bizitzeagatik.

Neure alabak ere berdina jasoko du.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa