Nahiz eta inoiz ez nuen pentsatuko hain laster jarriko nintzenik talde baten aurrean, oraindik ere txirrindularitzan bizi izandako bizipoz eta une txar guztiak buruan bainituen.
Gainera, erabaki horren ondorioz, Bizkaiko hautatzaile izatea proposatu zidaten, neska gazteei laguntzeko, eta eurekin egon eta sufritzeko estatutik kanpoko lasterketetan. Oso pozik etorri nintzen Burdeostik, pentsamendu bat aldatu zitzaialako: harrobia badago. Eurekin lan egin eta euren mentalitatea apurka aldatuta, kirolari oso onak izan ditzakegu. Baina, betiko moduan, jende hori falta zaigu. Betiko moduan, jende horrek ematen duen guztia behar dugu, eta ez poltsikoak betetzen etortzen den jendea.
Azkeneko Birarik ‘errazena’ izango da, erlojupekorik gabe, eta Euskal Herriko eta estatuko neska gazte askorekin, agian, belaunaldia aldatzen ari da eta. Horregatik, bertan egongo gara, laguntzeko prest.
