Asteburuan hasiko dira Abadiñoko San Prudentzio eta San Trokaz pilota txapelketak

Erabiltzailearen aurpegia Asier Aspuru 2018ko api. 4a, 09:03

Kadete, gazte zein nagusi mailan arituko dira Euskal Herri osotik etorritako pilotariak, binaka zein lau´terdian. Finalak maiatzean jokatuko dira, Matienan eta Zelaietan.

Barikuan hasi eta maiatzaren erdialderarte pilota partidurik ez da faltako Abadiñon, San Prudentzio eta San Trokaz jaien inguruan antolatzen diren pilota txapelketak hasiko baitira asteburu honetan. Lehenengo txapelketak Matienan izango du finala maiatzaren 1ean (martitzena), non kadeteak binaka eta nagusiak lau´terdian txapelaren bila burubelarri ibiliko diren. Zelaietan, bestalde, maiatzaren 19an (zapatuan) jokatu dira azken partiduak eta bertan gazteak lau´terdian eta nagusiak binaka arituko dira lehian.

Guztira 48 pilotarik hartuko dute parte txapelketa hauetan eta norgehiagokak bariku arratsaldetan Matienan eta domeka goizetan Zelaietan jokatuko dira.

Kirola Abadiño
ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!