Onik aurkitu dute Aramaion atzotik galduta zegoen izurtzarra

(Argazkia: @DYABizkaia)

Atzo perretxikotan Aramaiora joan eta galdu zenetik bere bila zebiltzan larrialdi zerbitzukoak.

Bizkaiko DYA-k sare sozialetan informatu duenez, onik aurkitu dute atzotik Aramaio inguruan galduta zegoen 67 urteko izurtzarra. Perretxikotan joan zen senide batekin eta beragaz kontaktua galdu ostean senideak larrialdi zerbitzukoei abisua eman zien. Harrezkero, bere bila zebiltzan.

Bilaketa lanetan parte hartu dute Zaintza eta Erreskate Unitateko Mendi eta Txakur Atalak, Deba-Urolako ertzain-etxeko patruilek, Euskadiko Salbamendu Txakurren Taldeak, Gurutze Gorriko eta DYAko baliabideek eta Arabako suhiltzaileek.

Erlazionatuak

Atzo Aramaion desagertu zen 67 urteko izurtzar baten bila dabiltza

Izurtza

Senide batekin perretxikoak batzen zebilela desagertu zen, Oletan. Euskadiko Larrialdi Zerbitzukoak atzo hasi ziren bilaketa lanetan.
Durangaldeko albiste garrantzitsuak eta azken ordukoak Whatsapp edo Telegram bitartez jaso gura dituzu? Hauek dira bi aukerak.

WHATSAPP: Bidali ALTA 688 635 041 telefono zenbakira.

TELEGRAM: Batu zaitez @anbotokomunikabideak kanalera.