Atzo eman zuten berria Fosecoko arduradunek. Vesuvius taldeko kideek prentsa ohar baten bidez jakitera eman zutenez Izurtzako enpresa itxi egingo dute eta horren lan espedientea aurkeztu zuten. ELA sindikatuko kideek jakitera eman zutenez, Vesuvius taldekoek aurkeztutako planak 16 pertsonentzako birkolokazioa, 2 aurrejubilazio eta 24 langileren kaleratzeak jasotzen ditu.
"Erregulazio txostenak ez du inolako zentsurik. Oso ondo dabilen lantoki bat da eta zorakeria bat iruditzen zaigu egiten dabiltzana", adierazi dute ELAko kideek. LABeko kideek, berriz, "inolako kaleratze traumatikorik" ez dutela onartuko adierazi dute. Hori horrela greba mugagabea hasiko dutela jakitera eman dute.
