Gaur tortilla eta pintxo txapelketak egingo dituzte, eta mariatxi doinuek bertso errimei emango diete lekukoa. Aurten ere, bertsozaleek lepo beteko dute Kepa Arroitajauregi frontoia. Zinez eta Raimundo El Canastero taldeek berotuko dute gau giroa.
Zapatuan Mozorro Eguna ospatuko dute eta herriko kaleek Oktoberfest jaialdiaren itxura hartuko dute. Jai Batzordeak parte hartzeko gonbita egin diete denei. Iurretarrak mozorroa jantzita batuko dira paella txapelketan, eta baita herri bazkarian ere. Gau giroa alaitzeko, Luhartz plaza taldea gonbidatu dute.
Nekazaritza azoka
Domekan, XXIV. Nekazaritza eta Artisautza Azokagaz hasiko da eguna. Dantzari eta agintariek hutsik egin barik egingo dute kalejira, Montoitik plazara. Eta jaiak agurtzeko, herri afaria egingo dute.
![[EGITARAUA]: Raimundo El Canastero, Luhartz eta Beranduegi erromeria besteak beste Iurretako jaietan](https://anboto.tok-md.com/argazkiak/caK/cache/IMG_7600_tokikom_735x413.jpeg)