Kultur sorkuntza bultzatzeko helburuagaz jaiotako Sormen Iurreta bekarako deialdia egin du Iurretako Udalak. Martxoaren 2ra bitartean aurkeztu daitezke proiektuak honako modalitate hauetan: literatura lanak edo ilustrazioa, sorkuntza eszenikoa, ikus-entzuneko lanak, erakusketak edo argazki konpilazioak sortzeko proiektuak, musika sorkuntza eta kultur proiektuak.
Beka lortzeko oinarriak Ibarretxe kultur etxean edo Herritarren Arretarako Zerbitzuan (HAZ) eskuratu daitezke. Baita Iurretako Udalaren webgunean ere.
Iurretako lehen sormen beka Goiuria ikastola auzolan baten kronika liburuak irabazi zuen 2022an.