Hegoi Petite antolatzaileak azaldu duenez, aurten oso estilo ezberdineko musikariak igoko dira Amatzako oholtzara: “Oso estilo ezberdineko trikitilariak ekartzea lortu dugu aurten. Oso tradizionalak direnak, beste instrumentu batzuk, alboka... Modernoagoak diren trikitilariak ere etorriko dira”. Erakustaldiaren ondoren, elkarregaz afalduko dute. Hortxe hasten da jaialdiaren bigarren zatia, mahaiaren bueltan sortzen den giro horregaz.
Seigarren aldia
Petitek azaldu duenez, lehenengo aldian jendeari "mesedeak eskatuta" antolatu zuten, inguruko trikitilariak gonbidatuta. Harrera ona izan zuela ikusita, aurrera jarraitzea erabaki zuten, elkarte bat sortuta, udalari diru laguntzak eskatuta eta abar. Horrela, seigarren ediziora heldu dira. "Auzo txiki batentzat lan handia da. Kanpotik jende asko dator eta ez gaude ohituta hau guzti hau antolatzera. Baina hain harrera ona duenez, merezi du", adierazi du Petitek
|
Amatzako jaiak Uztailaren 2a, zapatua Uztailaren 3a, domeka Uztailaren 4a, astelehena |
