PTO triatleta profesionalen erakundeak antolatutako Daytona Challenge probak munduko triatloilari onenak batu ditu gaur Floridako (AEB) autodromo famatuan. Munduko txapelketa zegoen jokoan eta izen handi guztiak hantxe izan dira, baita Gurutze Frades iurretarra ere. Parte hartzaileen maila ikusita, 30 onenen artean sailkatzeko borrokan ibili gura zuen iurretarrak eta helburua lortu du: 30. tokian amaitu du proba.
Triatloilariak ez dira autodromotik irten. Azpiegitura erraldoiaren barruko lakuan aritu dira igerian eta, ondoren, obaloari itzuliak eman dizkiote bai bizikletan eta bai korrika. Frades 41. tokian heldu da lehenengo trantsiziora. Honakoa bere denbora igerian: 31.09. Bizikletako 80 kilometroak 1.59.06ko denboran amaitu ditu. Korrika postu batzuk aurreratu ditu, 18 kilometroak 1.10.18ko denboran osatuta. Azkenean, dena gehituta, honako hau izan da bere denbora: 3.43.28.
Munduko txapelketa Paula Findlay kanadiarrak irabazi du: 3.24.55. Anne Haug (+2.37) eta Laura Philipp (+5.05) alemaniarrek osatu dute podiuma.
Findlay txapelduna, Gurutze Frades aurreratzen, helmugara heltzeko metro gutxiren faltan. Obaloan aritu direnez, triatloilariek sarritan egin dute topo.
Daytonako autodromoa, emakumeen munduko txapelketa hastear zela:
