Bigarren Eskuko Azoka antolatu dute Iurretan, Plazaratu Astearen barruan

Iurreta Plazaratu dinamikaren aurkezpeneko talde argazkia.

Ekainaren 22an izango da, 10:30etik 14:30era, eta arropa eta tresnen berrerabilpena sustatzeaz gainera, kultur aniztasuna ere bultzatuko dute. Izan ere, jatorri anitzetako jatekoa dastatu ahalko da, herriko komunitate kulturalek eskainita. Bestalde, 22:00etan, Boluda Kabaretak antzoki handi bihurtuko du plaza, Cecilia Paganini eta Gorka Ganso artisten eskutik.

Urtea beteko da laster Plazaratu mugimendua jaio zenetik, eta dinamikari jauzi bat emango dio egun hauetan. Ekainaren 18tik 23ra bitartean, ekintza ugari eta anitzak egongo dira herriko plaza biziberritzeko asmoz. Herriko talde, sortzaile eta herritarren partaidetza bultzatuko dute ekintzetan.

Abadetxearen historiari buruzko berbaldia eta argazki erakusketa egongo dira, ekainaren 21ean. "Abadetxea garrantzi handikoa izan da plazako bizitzan hamarkada askoan, eta hutsik dagoenetik eragina igarri da herriko mugimendu soziokulturaletan", diote.

 

EGITARAU OSOA: 

EKAINAK 18  martitzena
20:00etan  Gerlari  akademiaren  klase interaktiboa

EKAINAK 19  eguaztena
17:00etan  Ume  jolasak

EKAINAK 20  eguena
19:00etan  Abadetxeari  buruz  hitzaldia  eta argazki  erakusketa

EKAINAK 21  barikua
Arratsaldepasa  plazan

EKAINAK 22 zapatua
10:30-14:30  Bigarren  Eskuko  Azoka. Inskripzioa Gauargi eta Oreka tabernetan zein iurretaplazaratu@gmail.com (+ Jatekoa:  Palestina,  Mali,  Maroko,  Senegal ... + Dj  Itsua.  )
22:00etanBoluda  Kabareta

EKAINAK 23 domeka
11:00etan  Aire  libreko  margo  lehiaketa (Inskripzioa egunean bertan 11:00ak arte. Sariak: 200 euro, 100 euro eta 50 euro). Umeen  marrazki  lehiaketa ere egingo da
Iluntzean:  San  Juan  bezperako  afaria,  sua eta   Luhartzen erromeria  Jai  Batzordearen  eskutik

Erlazionatuak

Iurreta Plazaratu dinamika sortu du herritar talde batek, "herria biziberritzeko beharra" ikusita

Iurreta

Iurretako hainbat belaunalditako dozenaka lagunen eskutik Iurreta Plazaratu dinamika jaio da. Antzeko kezkak bultzatuta elkartu dira hilabeteetan, ...