Beste sute bat gertatu da Iurretako paper fabrikan, hilabetean laugarrena

Smurfit Kappa Nervion enpresa, artxiboko irudian.

Herrizaingo sailak informatu du goizaldean piztu dela sutea, 00:40 inguruan, eta langileak kalera atera behar izan dituzte. Suhiltzaileak bertaratu dira eta ordubetean amatatu dute sua. Ez da zauriturik izan. Azken asteetan hainbat sute izan dira fabrika horretan, eta langileen ordezkariek "segurtasun falta" salatu izan dute.

Izan ere, azken hilabetean gertatu den laugarren sutea da. Azaroaren 9an, 20an eta 23an ere piztu zen sua fabrika barruan. Langileen enpresa batzordearen esanetan, egun horietan "suteen kontrako sisteman ez zegoen urik".

Gaurkoan, mozteko makinen sektorean sortu da sua.

Erlazionatuak

Smurfit paper fabrikako Enpresa Batzordea: “Azken urte honetan istripu asko eta oso larriak egon dira”

Iurreta

Iurretako paper fabrikako segurtasun neurriak kritikatu ditu ELA eta LAB sindikatuek osatutako Enpresa Batzordeak.